أخبار امتحانات الثانوية العامة 2011 , تقارير يومية

[د.تامر شعبان]

[د.تامر شعبان]

آراء الطلاب فى امتحان اللغة العربية للثانوية العامة
إليكم بعضاً من آراء طلاب الثانوية العامة فى امتحان اللغة العربية أمس

-

	حضرتك الامتحان كان طويل وكان محتاج شويه تفكير وكان فيه بعض التكات كده وبعدين هل دى مواضيع تعبير تيجى فى الظروف اللى احنا فيها دى احنا مالنا ومال مشكله المرور او اهمال اللغه العربيه ما زلتوا بتحبوا تتوهونا ليه مش جبتوا عن الثوره او او الفتنه الطائفيه على الاقل احنا عشناها واخدنا فكره عنها هو انتوا تيجبوا تعبير عن الثوره لتالته اعدادى اللى لسه تفكيرهم مش قوى واحنا تيجبولنا حاجه عبيطه زى دى والله ربنا يسامحكوا انا مش عارف انتوا هتخسروا ايه لو ساعدتونا وبعدين انا عن نفسى مش لحقت اراجع خالص

-

	الامتحان كان النحو فيه غبى مش زى اللى كنا عمالين نتدرب عليه فى الامتحانات بتاعه السنين اللى قبل كدة فين اسم الفاعل والمفعول وصيغه المبالغه واسم التفضيل ...الخ والاعراب المدرسين نفسهم كل واحد بيعرب حسب مزاجه ومحدش ثابت على رأى مرة يقولوا الف نائب عن المفعول المطلق ومرة مفعول به والاختياارات تحيييييييييييير جدا يعنى حتى الحاجات الهايفة مصعبينها فى انك تحتار تاخد دى ولا دى والوقت ييدوبك كان على القد

-

	بصراحة لا زال توجد بعض الأسئلة ف اختر تعتمد على اسلوب هادى بادى اللى كان عبارة عن امتحان العربى السنة الماضية.خلاص الكلمات خلصت ف وشك معدش غير الكلمات اللى كلها نفس المعنى. و معلش لصاحب تعليق رقم 1 هوا التعبير الوظيفى كان عن ايه؟؟؟ الم يكن عن الوحدة الوطنية؟ و التعبير الابداعى ارى انه من الممكن انك تكتر الكلام فيه بشوية حشو كالمعتاد. وعلى كل حال ربنا يوفقك

-

	على فكرة الامتحان على مستوى الطالب الفوق متوسط وكدة كدة بيضربونا فى الانجليزى والتاريخ

-

	بصراحه انا جاوبت الامتحان مع انى مدرس انجليزى وشايف ان النحو سهل حكاية بقى التوقعات اللى المدرسين بيضحكو على الطلبه بيها دى مسئولية الطالب لوحده اللى المفروض يمنع اى توقع

-

	نفسى اعرف هما بيجيبوا اللى على مزجهم الامتحان كان النحو فيه صعب وااختيارات المعانى كانت تحير لانه كلهم شبه بعض وانا متاكده ان الاولى على الثانويه العامه غلطط فيه امتحان كان سهل ممتنع والوقت مكنشى مكفى ربنا يستر على الانجليزى

-

	تكات ايه انتم عاوزين امتحان باجابته امتحان العربى منطقى جدا ان يكون موضوع التعبير عن الماده مش عن الثورة واضع الامتحان كده خدمكم وبعدين ياسيدى مش عجبك المرور متكتبش فيه لو انه مليان بالسلبيات والايجابات والالتزامات والقوعد والقوانين الواجب اتباعها او الانصراف عنها لازم تكون توقعات المدرسين خاطئة لانها كنت تواكب العصر لا تواكب اللغة العربية وجمالها والستمتاع بدراستها نصيحه لوجه اللهاحبو اللغة العربيه واهتمو بمزاكرة المواد الباقية ربنا يصلح حالكم وبعدين انتم ازاى قعدتم على النت وامتحان الانجليزى غدا يعنى مفيش وقت والله احنا غلابه اولياء الامور طبعا

-

	مش انتوا بتقولوا الامتحان سهل وهتقدموا شكوى طب والله العظيم انتوا اساسا مش هتيجبوا الدرجة النهائية ...وهتغلطوا فى الامتحان دا وابقى قول انى قولت ....الامتحان كان سهل اه ...بس كان فى بعض الحجات البسيطة ..زى البلاغة كانت غامضة شويه ومعانيها صعبة ...كمان اعراب كلمة الف فى النحو كله اختلف عليها ..ثانيا دى مش مواضيع تعبير يجبهولنا ..احنا مش صغيرين ..المفروض المواضيع تبقى ماشية مع احداث اليومين دول ...زى الفتنة الطائفية ...او الثورة ...بصراحة فى بعض السلبيات فى الامتحان ...لكن الامتحان كويس مش وحش .

-

	البلاغة كانت صعبة جدا لدرجة انا مكنتش عرفة هى بتتكلم عن ايه وكمان الاختيارات كانت شبه بعضها مكنتش عرفة احل

-

	الامتحان بصراحه كان في مستوى الطالب المتوسط الا شوية حاجات كده زي الاختياري ده كان ارخم اختياري انا شوفته بس برضو البلاغة كانت سهلة وجات قبل كده في امتحان 1995 والنحو كان الي حد ما سهل والادب برضو بس المشكلة كلهاااااااااا في النصوص وبعدين جايب لك تعبير عن المرور خلاص يعني هيسمعو لكلامنا وهينفذوه كانوا جابو حاجه تانية غير الهيافه دي

[د.تامر شعبان]

أخبار امتحان اللغة العربية للمرحلة الأولى
تقرير يوم 12/6/2011 من امتحانات الثانوية العامة
هذا التقرير منقول من محرر الأهرام , و قال الطلاب فيه أن الامتحان جاء جيداً و بسيطاً باستثناء نقطتين فقط و إليكم نص التقرير كاملاً :

شهدت امتحانات الثانوية العامة اليوم هدوءً مماثلا لامتحانات اليوم الأول أمس، حيث جاء امتحان اللغة العربية للمرحلة الأولي في مستوي الطالب المتوسط، واحتوي سؤال التعبير علي سؤال إجباري عن دور الشرطة.
وأكد العديد من الطلاب أن الامتحان كان جيدًا وخاليًا من التعقيد باستثناء نقطتين فقط غير واضحتين، إحداهما في النحو والأخرى في النصوص، حيث جاءالسؤالان بطريقة غير التي تعودوا عليها خلال دراسة المنهج.
وأشاروا إلى أن سؤال التعبير احتوى على موضوع عن الشرطة، جاء كسؤال اختياري من بين موضوعين، أحدهما طلب الكتابة عن النيل، والآخر عن الشرطة.
ومن جانبه قال جمال العربي وكيل وزارة التربية والتعليم ومسئول الثانوية العامة، إن الامتحانات اليوم مرت بهدوء تام أكثر من امتحانات أمس.
واكد أن بلاغات الغش والبلطجة التي جاءت خلال اليوم ثبت كذبها، مشيرا إلي أن الوزارة طلبت من المتقدمين بالشكاوي إرسال فاكس رسمي للتأكد من شخصيتهم، ومحاسبتهم في حالة ما إذا كان البلاغ كاذبًا.
وأشار إلي أن تصحيح مادة اللغة العربية التي امتحنها طلاب المرحلة الأولي اليوم، ستبدأ بعد غد الثلاثاء، بينما يبدأ تصحيح مادة اللغة العربية للمرحلة الثانية التي امتحنها الطلاب أمس، بداية من غدٍ الإثنين.

التقرير الرسمى من وزارة التربية و التعليم و الذى يعده واضعو الأسئلة و الممتحنون عن يوم الأحد 12/6/2011 ثانى أيام امتحان الثانوية العامة .

	أكد التقرير الفنى الصادر عن لجنة واضعى أسئلة امتحان مادة اللغة العربية الذى خاضه طلاب المرحلة الأولى للثانوية العامة اليوم الأحد، أن أسئلة النحو جاءت مطابقة لما درسه الطلاب خلال السنة، وأضاف التقرير، أن الجزئيات الـ6 فى سؤال النحو هدفها قياس مستويات الفهم والتطبيق والتحليل لدى الطلاب، وكانت بعض الشكاوى قد وردت اليوم من سؤال النحو. وأوضح التقرير الفنى للجنة، أن سؤال التعبير انقسم إلى قسمين، الأول تعبير وظيفى إجبارى لإظهار قدرة الطالب على استخدام اللغة العربية، أما الثانى فهو تعبير إبداعى اختيارى لإظهار القدرة على التفكير، وفيما يتعلق بسؤال القراءة وهو نفس الشئ بالنسبة لسؤال النصوص، أكدت اللجنة أنه جاء ليقيس القدرة على التذكر والفهم، فى الوقت نفسه، فيما ركز سؤال الأدب والبلاغة على قدرة التحليل. وأفاد التقرير، بأن الامتحان مكون من 11 سؤالا، يجيب الطالب على 8 منهم ليحصل على 30 درجة.

[د.تامر شعبان]

إصابة طالبتين بالثانوية العامة بانهيار عصبى فى امتحان اللغة العربية الأحد 12/6/2011
تلقت غرفة العمليات المركزية، بوزارة التربية والتعليم، إخطاراً يفيد بتعرض طالبتين فى المرحلة الأولى للثانوية العامة بلجنتى مدرسة بلال بن رباح بالغربية ومدرسة دير مواس بالمنيا، لانهيار عصبى، مع بداية امتحان اللغة العربية اليوم، الأحد، نتيجة وقوعهما تحت ضغط نفسى، وعلى إثر ذلك قرر جمال العربى، رئيس عام الامتحان، نقلهما إلى مستشفيات قريبة من لجنتيهما، مع السماح لهما بخوض امتحان المادة فى الدور الثانى مع الحصول على الدرجة الفعلية، وهو نفس القرار الذى تم اتخاذه بشأن طالب من نفس المرحلة بلجنة مدرسة بولاق الدكرور بالجيزة، تعرض لحادث مرورى أثناء توجهه إلى اللجنة.

[د.تامر شعبان]

رئيس لجنة امتحانات الثانوية يمنع محافظ الجيزة من تفقد اللجان فى امتحان اللغة الانجليزية

شهدت جولة الدكتور على عبد الرحمن محافظ الجيزة لتفقد لجان امتحانات الثانوية العامة بمدرسة الجيزة الإعدادية بنين، عدة وقائع منها، منع رئيس لجنة المدرسة، صبحى فتحى السيد، المحافظ من دخول المدرسة لتفقد اللجان، وذلك تنفيذا لتعليمات وزير التربية والتعليم الدكتور أحمد جمال الدين موسى.

كما شهدت الجولة اعتراض أحد أولياء الأمور الموجودين أمام المدرسة، على زيارة المحافظ لأبنائهم أثناء الامتحانات، وذلك حتى لا يشتت تركيز الطلاب.

وأبدى المحافظ استجابته لرئيس اللجنة ولأولياء الأمور، لأنه ملتزم بتعليمات وزير التربية والتعليم، بعدم دخول اللجان.

وأكد المحافظ أن هناك تنسيقا بينه وبين القوات المسلحة ومديرية الأمن لتوفير الحماية الأمنية، وتأمين عملية نقل الأسئلة، والإجابات، واللجان، لافتا أن هناك كثافة أمنية هذا العام أكثر من الأعوام السابقة.

[د.تامر شعبان]

أخبار امتحان اللغة الانجليزية للمرحلة الثانية للثانوية العامة
تقرير يوم 13/6/2011

تباينت آراء طلاب الثانوية العامة فى امتحان اللغة الانجليزية اليوم حيث صدرت شكاوى عديدة من صعوبته و جاء رد الوزارة غريباً حيث قالوا ان صعوبة الامتحان دليل على عدم التساهل بعد الثورة .
و إليكم تقرير مصغر عن اليوم الثالث للامتحانات

	فى أول تعليقٍ من وزارة التربية والتعليم على تباين آراء طلاب بالصف الثالث الثانوى حول أسئلة اختبار اللغة الإنجليزية ووجود شكاوى منها، قال جمال العربى، رئيس عام الامتحان، إن وجود تباين فى آراء الممتحنين تجاه مستوى الأسئلة يعد دليلاً على التزام واضعيها بالمعايير المحددة من قِبَل المركز القومى للامتحانات والتقويم التربوى. وأضاف العربى أن "الشكاوى من اختبار اليوم يثبت أننا لم نتساهل فى وضع الأسئلة بدعوى أننا فى أول اختبارات بعد الثورة"، مشيراً إلى أن تقرير لجنة واضعى الأسئلة أكد مطابقتها للمواصفات وخلوها من الأجزاء المحذوفة. وأوضح "العربى"، فى تصريحاتٍ صحفية اليوم، أن بعض الطلاب اتصلوا به هاتفياً وأخبروه بأن الامتحان "مش ظريف"، وذكر رئيس عام الامتحان أن تصحيح مادة اللغة الإنجليزية للمرحلة الثانية سيبدأ بعد غدٍ الأربعاء، وتابع "سنراعى فى التصحيح رفع درجات الطلاب الذين تنقصهم درجة أو اثنتين لبلوغ حد النجاح فى المادة". وبحسب "العربى" فإن عدد الطلاب الذين خاضوا امتحان اليوم يصل إلى 370 ألفاً و 980 طالبا اختاروا "الإنجليزية" كلغة أولى، و 2184 طالبا اختاروا "الفرنسية" و 6 طلاب فقط اختاروا "الألمانية".

و فى المشاركة التالية سنعرض لكم مختارات من آراء الطلاب و المدرسين فى امتحان الانجليزية اليوم .

[د.تامر شعبان]

آراء الطلبة و المدرسين و الناس فى امتحان اللغة الانجليزية و تعليقات و ردود الأفعال
غلبت الشكوى على أغلب ردود أفعال الطلاب اليوم و اشتكى أولياء الأمور من تعنت مسئولى وزارة التربية و التعليم فى مثل هذه الظروف .
و سنعرض لكم طائفة من تعليقات الناس على المواقع الاجتماعية .

تقول مستخدمة بإسم مستعار " أم طالب " :
الامتحان زى الزفت .. والترجمة مش معقولة انتو جابينها لطلبة مش لمترجمين ايه الافترا ده مش كفايا اللى الولاد شافوه طول السنة من توتر وبوظان اعصاب ه ى الحكاية نقصاكم وفرحان اوى ان الصعوبة دليبيل عدم التساهل بسبب الثورة.. بيتمنظر على حساب مستقبل اولادنا حسبنا الله ونعم الوكيل .

و يقول شريف "أحد الطلبة " :
يا جدعان حد يرجعلنا زكي بدر .. ارحمونا بقي لا العربي كان سهل ولا الانجليزي سهل .. بجد مش عارف انا مين الناس ال بتسألوها دي .. و الاخ جمال ده حافظ كلمتين بيقلمهم في كل امتحان ياخي ا ... ولا بلاش .

أما الرأى المغاير فجاء على لسان "إيمان " حيث تقول :
على فكرة الامتحان اسهل من السهولة ومفيهوش اى تكات والقطع مفيهاش كلمة صعبة لا هيا ولا التراجم والاسئلة مباشرة اللى ممكن اقول لخبطتني شوية اول واحدة في الاختياارات وغلطت فيها والميني دايالوج التاني كان بس كلمة واحدة مش مفهومة بس تتخمن
اللى بيقولوا صعب بيقولوا على اي اساس
دا اسهل امتحان حليتو في حياتي
انا مش مدارس لغات ولا حاجة
انا حكووومي

و هذا المستخدم بإسم مستعار " طالب ثانوى مطحون " يقول :
انا راجعت الامتحان مع الاستاذ و معرفش يحل الاسئلة...
فعلا مطابق للمواصفات..التعجيز اولا ..و ثانيا...و ...

و يقول شريف أشرف :

	واضح ان الثوره لم تخرج من ميدان التحرير ولم تمر على التعليم.......نفس(الغباء......الكلام....الحجج....ا لفساد...الناس الفاسده..التخلف) واضح ان الوزير مغرم جدا بالسياسه القديمه.....اسف قصدى الطريقه الفساده المتخلفه ارحمونا الله لا ير....................

أما هاشم محمد هاشم فيملك وجهة نظر وسطية معتدلة :

	لو كان المنهج تم تدريسه لامانع من وضع الامتحان فى المستوى المطلوب ةلكن نظرا للظروف التى حدثت فكان لابد من مراعاة تلك الظروف لذا يجب مراعاة تلك الظروف فى التصحيح وكلهم شباب مصر اقصد شباب الثورة وربنا يستر0

و إليكم بعض من التعليقات المتنوعة

-لا أعرف لماذا مصر هى البلد الوحيدة فى العالم اللى كل سنة نشتكى من امتحانات الثانوية طبعا قلبى مع أولياء الامور ولكن بصراحة كفاية دلع للطلبة وبلاش صراخ على الفاضى والمليان عاوزين تعليم بجد واللى شايف انه مش قد الثانوية ميدخلش ويخليه فى الدبلوم الفنى
احنا زهقنا كل سنة الامتحان صعب -طول مكن خارج المنهج الوقت مش مكفى الاسئلة تعجيزية ...... كفاية دلع .

- الامتحان امتحان يوضع بضوابط معينة وهناك طالب يذاكر ويجتهد ولديه القدرات العقليه والذهنية على التفكير وآخر ليس لديه قدرة على ذلك وعشان الظروف اللى احنا فيها كان يجب وضع امتحان الانجليزى فى الصف الثالث الثانوى مطابق للظروف التى عانى منها الطلاب .
و هذا مقطع فيديو يوضح آراء بعض الطلبة

[د.تامر شعبان]

أخبار امتحان التفاضل و حساب المثلثات للمرحلة الأولى (الصف الثانى الثانوى )
تقرير يوم 14/6/2011 من امتحانات الثانوية العامة

امتحان التفاضل جاء سهلاً و أعاد البسمة للطلاب و سؤال كامل جاء من كتاب المدرسة بالنص
ذكرت التقارير المبدئية عن امتحان التفاضل و حساب المثلثات للمرحلة الأولى أنه لم ترد أية شكاوى منه حتى الآن , بل على العكس خرج الطلاب فرحون ,, و إليكم نص التقرير الرسمى :

	عادت الفرحة اليوم لطلاب الثانوية العامة، بعد أن شهدت امتحانات الأمس بكاء وتوترا بين الطلاب وأولياء الأمور. فقد جاء امتحان التفاضل لطلاب المرحلة الأولي (الصف الثاني الثانوي) مكونا من 5 أسئلة. الأول منها إجباري، على أن يختار الطالب 3 أسئلة من الأربعة الباقية. قال الطلاب إن الأسئلة جاءت من المقرر، وأن السؤال الخامس من كتاب المدرسة بالنص، مؤكدين أنه جاء في مستوي الطالب المتوسط وأن وقت الامتحان كان مناسبا لعدد الأسئلة وكيفيتها. وأكدت وزارة التربية والتعليم عدم ورود شكاوي من الامتحان . قال جمال العربي، رئيس الإدارة المركزية لامتحانات الثانوية العامة، أن الامتحان جاء مطابقا لمواصفات الامتحانات التي وضعها متخصصون تربويون. وأشار إلى أن تصحيح امتحانات التفاضل سيبدأ بعد غد الخميس، لافتا إلي أنه تم البدء في تصحيح امتحانات اللغة العربية للمرحلة الثانية أمس، وبدأ تصحيح مادة اللغة العربية للمرحلة الأولي اليوم.

[د.تامر شعبان]

آراء و ردود أفعال و تعليقات الطلاب و أولياء الأمور على امتحان التفاضل و حساب المثلثات للمرحلة الأولى 14/6/2011
ساد الارتياح و الفرح مشاعر طلاب الصف الثانى الثانوى عقب انتهاء امتحان التفاضل اليوم , كما أكدت أغلب التقارير الرسمية و الشعبية و سنسرد لكم بعضاً من تعليقات الطلبة و المدرسين و أولياء الأمور بعد الامتحان و رأيهم فى مدى سهولته أو صعوبته .

-

	الامتحان كويس جدا اعطى فرصه للطالب المتميز والطالب المتوسط والطالب الضعيف بس بعض الجزئيات تؤدي للارتباك كان يحتاج وقت اطول وتركيز وهدوء اعصاب

-انا نفسي اعرف حاجة واحدة هو الجيل بتاعنا ده ليه بيعملوا فيه كده هو احنا من اسرائيل مثلا ده احنا اول جيل يطبق عليه سادسة ابتدائي والجيل الوحيد في تاريخ مصر يمتحن تحت ايد احمد زكي بدر ويمتحن في اسبوعين وفي تالته ثانوي يجي امتحان الانجليزي بالطريقة دي كل ده ويعد كده يجيبوا امتحانات تانية ثانوي سهلة جدا فين المساواة مع العلم ان امتحان التفاضل في السنة اللي فاتت كان امتحان صعب جدا.

- بصراحة الامتحان كان سهل جدااااااااااااااااا ماعدا رقم ب في السؤال الرابع والخامس وتمكن كثير من الطلاب حلهم.

- بسم الله الرحمن الرحيم
انا طالب في 2 ثانوي عام وامتحنت النهارده مادة التفاضل وبجد ربنا يبارك للشخص اللي وضع الامتحان وربنا ينتقم من اللي وضع امتحان العام الماضي لانه بسببه ما امتحنتش مادة الرياضيات وبجد يا جماعه فيه فارق كبير بين امتحان النهارده وامتحان العام الماضي ...
وبخصوص (ج) فى السؤال الأول و(ب) فى السؤال الأول و(أ) فى السؤال الخامس، دي حاجات مباشره انا مش شايف فيها اي صعوبه ... الحمد لله انها جات علي كده.

- الحمد لله امتحان التفاضل ما خرجش عن كتاب المدرسة و الحمد لله كان كويس ..عقبال بقيت المواد.

- سيادة وزير التربية والتعليم ...
في مدرسة المنيا الثانوية الجديدة للبنات بشارع طه حسين بالمنيا ملاحظ اللجنة كان يقول باملاء بعض الطالبات اجابات التفاضل والمثلثات والطالبات المتفوقات اعترضن علية ولم يبالي بهن واستمر في عملة وترك اللجنة في هرج مما اثر علي المتفوقات من ابنائنا لانهن لم يعتدن علي الغش كما تربوا في المنزل والمدرسة نرجوا عدم تكرار ذلك في باقي المواد حرصا علي نحقيق العدل والمساواة ام اننا نسينا اننا في عهدجديد ( ارجو النشر او ايصال صوتي هذا الي وزير التعليم ارجوكم .

- تابعونا لرصد مزيد من الآراء فى المشاركات التالية .

[د.تامر شعبان]

[خبر] | جمال العربي : اعتماد أية إجابات صحيحة للطالب في الثانوية العامة وعدم الالتزام بنموذج الوزارة
أكد الدكتور جمال العربي، مشرف عام امتحانات الثانوية العامة، أن الوزارة لن تلتزم بالإجابات المتواجدة فى نموذج الإجابة الموزع على المصححين، لافتا إلى أنه سيتم اعتماد أية إجابات صحيحة واحتساب كامل درجتها للطالب.
وقال العربى -فى تصريحات لوكالة أنباء الشرق الأوسط- إنه بفرز عينات أوراق الإجابة لطلاب الثانوية العامة تبين أن بعض الطلاب أجابوا إجابات صحيحة، لكنها لا تتطابق مع نموذج الإجابة المحدد من الوزارة، وهو ما تعتبره الوزارة جهدًا من الطالب. وسيتم احتساب كل درجته، وذلك حرصا منها على مصلحة الطلاب وتفعيلا لمبدأ تكافؤ الفرص.

[د.تامر شعبان]

[خبر] | جمال العربي : اعتماد أية إجابات صحيحة للطالب في الثانوية العامة وعدم الالتزام بنموذج الوزارة
أكد الدكتور جمال العربي، مشرف عام امتحانات الثانوية العامة، أن الوزارة لن تلتزم بالإجابات المتواجدة فى نموذج الإجابة الموزع على المصححين، لافتا إلى أنه سيتم اعتماد أية إجابات صحيحة واحتساب كامل درجتها للطالب.
وقال العربى -فى تصريحات لوكالة أنباء الشرق الأوسط- إنه بفرز عينات أوراق الإجابة لطلاب الثانوية العامة تبين أن بعض الطلاب أجابوا إجابات صحيحة، لكنها لا تتطابق مع نموذج الإجابة المحدد من الوزارة، وهو ما تعتبره الوزارة جهدًا من الطالب. وسيتم احتساب كل درجته، وذلك حرصا منها على مصلحة الطلاب وتفعيلا لمبدأ تكافؤ الفرص.

[د.تامر شعبان]

أخبار امتحان الجغرافيا للثانوية العامة
تقرير يوم 15/6/2011
فى خامس أيام امتحانات الثانوية العامة لم يؤد امتحان مادة الجغرافيا إلا 997 طالبا وطالبة فقط داخل 217 لجنة امتحانية على مستوى الجمهورية للمرحلتين الأولى والثانية، وبدت اللجان خاوية من الطلاب لعدم إقبالهم على اختيار الجغرافيا كمادة أولى.

ولم ترد لغرفة العمليات المركزية داخل وزارة التعليم أية شكاوى من مستوى أسئلة المادة، كما لم ترد شكاوى اليوم من غش أو تأخير فى توزيع ورقة الأسئلة، ومن المنتظر أن تعلن الوزارة اليوم نتيجة تصحيح العينة العشوائية من أوراق إجابات مادة اللغة العربية للمرحلتين الأولى والثانية.

فى السياق نفسه تدرس وزارة التعليم عقد لجنة ثانوية عامة إضافية بمحافظة جنوب سيناء بدايةً من العام الدراسى الجديد 2011/ 2012، وكانت الوزارة قد أجلت هذا الطرح للعام الجديد بسبب عدم استقرار الأوضاع الأمنية خلال هذا العام.

وعن حالات الغش الفردية التى يتم اكتشافها داخل اللجان، أكد مصدر داخل الوزارة أنها لا تستدعى حرمان الطلاب من خوض المتبقى من الامتحانات.

[د.تامر شعبان]

اخبار امتحان اللغة الأجنبية الثانية (الألمانية و الفرنسية )
تقرير يوم 16/6/2011 المرحلة الأولى للثانوية العامة (الصف الثانى الثانوى ) .
أدى طلاب المرحلة الأولى من الثانوية العامة -الخميس -امتحان اللغة الأجنبية الثانية فى 124 لجنة امتحان بالإسكندرية وأبدوا ارتياحهم حول مستوى الامتحان.
وأوضح الطلاب أن الامتحان جاء في متناول الطالب المتوسط ومن مقررات المنهج التي درسوها، موضحين أن اجتيازهم لهذا الامتحان سيحفزهم إلي دخول الامتحانات المقبلة براحة نفسية أكبر.
ومقيد بالإسكندرية 18 ألفا و810 طلاب وطالبات بالمرحلة الأولي من الثانوية العامة أدوا الامتحان الخميس ، فيما يستعد 16 ألفا و780 بالمرحلة الثانية لاجتياز بقية الامتحانات بداية من الأسبوع المقبل ، وصولا إلي انتهاء مرحلة امتحانات الثانوية العامة بالكامل في الثاني من شهر يوليو المقبل.
وأشارت مصادر بمديرية التربية والتعليم أن غرفة متابعة الامتحانات لم تسجل حتى الآن أية شكاوى أو حالات إخلال بالنظام العام ، مؤكدة أن المديرية تدقق في تطبيق معايير الهدوء والراحة للطلاب داخل لجان الامتحان ، فضلا عن توفير الرعاية الصحية والطبية بالتعاون مع مديرية الشئون الصحية بالمحافظة ، إلي جانب توفير عناصرالأمن لعملية نقل أسئلة الامتحانات وتأمين كنترولات التصحيح والرصد بالتنسيق بين القوات المسلحة وجهاز الشرطة وأفراد أمن مديرية التربية والتعليم.**

[د.تامر شعبان]

أخبار امتحان الفيزياء للثانوية العامة 2011
تقرير يوم 18/6/2011
فرحة بامتحان الفيزياء لأول مرة منذ زمن بعيد
لأول مرة منذ حوالى 8 سنوات يخرج طلاب الثانوية العامة فرحين بامتحان الفيزياء و لأول مرة يصفونه بالسهل المناسب .
و اختفت اليوم مشاهد البكاء و الصراخ المعهودة كل عام , و أبدى الطلاب ارتياحهم للامتحان .
و لم يعكر صفو اليوم سوى الجزئية "ج" فى السؤال الثالث و الخاصة بتحويل درجات الحرارة .
و رغم الاتفاق على أن امتحان هذا العام أسهل بكثير مما سبق , إلا أن اللجان شهدت محاولتى انتحار إحداهما لطالب فى الدقهلية ألقى بنفسه من الطابق الثالث .
فى المشاركة التالية بعد قليل سنرصد لكم آراء اللبة فى الامتحان و أبرز ردود الأفعال.

[د.تامر شعبان]

آراء الطلاب و ردود الأفعال فى امتحان الفيزياء للثانوية العامة 18/6/2011
نقدم لكم بعضاً من تعليقات الطلبة و أولياء الأمور على امتحان اليوم الذى -كما ذكرنا فى التقرير منذ لحظات - جاء سهلاً للمرة الأولى منذ سنوات .

	الله يكرمه الي وضع اسئله الامتحان فعلا اسئله تفرق بين الي مداكر و الي مش مداكر من غير تعقيد . و علي فكره"ج"في السؤال التالت سهله موت تطبيق قانون مباشر

.

-ربنا يستر على التصحيح شربنا من الكلام ده كتير.

-

	الامتحان كان سهل جداااااااااااااا ومكناش نتوقع انه يكون بالسهوله دى بجد بجد مكنتش اتخيل ان ده امتحاااااااان ممكن يجيلنا يارب الاحياء تيجى بنفس المستوى ده حتى الامتحان مفيهوش ارشميدس خااااااالص إيه إلامتحان ده ياربى ونقول الحمد لله على كل شئ

- نداءالي مسؤلي التعليم في مصر هي الثانوية الازهرية مفيهاش تعليم زي العامة
امتحان الفيزياء للثانوية الازهرية كان النهاردة والامتنحان كان صعب جدا جدا جدا
وامتحان الثانوية العامة كان سهل حرام عليكوا والله احنا مصريين برضة مش من كوالالمبور .

- اخيراً امتحان فيزياء ييجي سهل .

-

	اول مرة اشوف امتحان فيزياء بالسهولة دي , اسئلة مباشرة , سؤالين او تلاته بس فيهم فكرة..... بس الحمدلله , عقبال الرياضة

-الامتحان بصراحه كان حلو ومستواه متوسط و يارب الدرجات تكون كويسه وندخل الكليه اللى عاوزنها بقى ونرتاح وياريت يراعوا التنسيق لان مجاميع السنه اللى فاتت كانت وحشه والله اعلم بالسنه دى ...................ربنا يستر .

-

	من امبارح وأنا بدعي الامتحان يجي نااااااااااااااااااااار، ومعقد ومحدش يجيب 48 فيه في الجمهورية كلها. منه لله واضع الامتحان مافرقش بين اللي فاهم واللي حافظ بس، طول عمرنا هنفضل متخلفين لو استمرينا بالطريقة دي. بس عموما الحكاية مش صعوبة امتحانات وخلاص، الحكاية اننا ماعندناش لا ابداع ولا حتى تطبيق لازم الحكومات الجاية تهتم بالعلم والتعليم والبحث العلمي وتخصص له ما يزيد عن 5% من الميزانية. أنا بفرح لما أشوف الدموع في عيون الطلاب ليس شماتة لكن دعوة للدفعات التي تليها للاهتمام بالفهم وليس مجرد الحفظ.

- الامتحان كويس بس يا رب التصحيح يكون حنين علشان كان الكميا سهل و اتبهدلنا في التصحيح .

-

	الحمد لله عدى البعبع زى ما بيقولوا فعلا الامتحان سهل جداااااااا بس فى جزئيات هى اللى هتفرق يا رب تكمل على خير بالاحياء وربنا يكرمنا جميعا ويدينا على قد تعبنا السنتين دول